اسير الروح
حديثي مبتدىء
عدد الرسائل : 14
تاريخ التسجيل : 09/04/2008
 | موضوع: شنسكت بعد كافي  الأحد أبريل 20, 2008 1:12 am | |
| اكبر ذكر بالــــــكون القـــــرأن
الله للكلمـــــــــــات بعزه نزلهن
شوف العراق الصــــحيح شلون
حبيبة عمر بالشيعه شــــــــايفهن
علي والله مانســــــــــاه نقشـــات
على باب الجوامع السني ينقشهن
دور عالمسوي هادي والـــــكرار
تلگاهم بالرمادي عشره عايشـــهن
الهاشمي انه عايش ويه ابو الخطاب
شو ماطردني ولاگلي انته كافرهن
والحسن اسمه يـــرج الــــــــروح
والعباس جفوفه بالجنه شـــــــايفهن
اسال جامع العامريه شـــــــيگول
ايراني طب بزود وخـــــــــربهن
يفتهم خويه وما اشر علي فد نوب
ما تگدر على گليباتنا تقشـــمرهن
وشوف الحسينيه الفجروها بطوب
يريدون اخواني ابليهم على طگهن
افتهمت مـــــــــني شــــــــدا اگول
وما سمــــــــــــــعت نائل يرددهن
معروفه المذاهب سنه شيعه اخوان
انته منين لا منهم ولا منــــهــــــن
تضل خمسه الاصول الرابع الكرار
وتضل سبعه الكبائر وانته ثامنهن
كافي لهنا بســـــــــــــــك عرفناك
عراقيتي ما تسمحلك تطشرهـــــن
اخوتي ثنين واحد فراتي حــــــوك
والثاني كردي جده حررهــــــــــن
القدس والمسجد الاقصـــــى انوب
لهذا وكتنه النذل مــــــــــــــحتلهن
الاكراد اذكى منهم مــــــــا تشوف
اختبرهم للمسائل بسرعه يحلــــهن
نكات عـليـــــــــــهم تنحجي هواي
ما يدرون عليهم الداني طلعـــــهن
الصعايده بمصر نفس الشــــــــــي
الصهيوني اديناته للذكي بترهـــــن
وطلع حقاره عالناصيريه يحجـــون
تره الطيب والزود شاعرهــــــــــن
والبصره تريد اقليم مـــــــــــعزول
لك انته بأسمهم ترتبــــــــهـــــــــن
البصري والسياب هذوله احـــــــنه
اشعار للوطن بكثر تمرتهـــــــــــن
ابن الانبار لو يسمحوله اهلي يجول
يالعراق بيوم حرر شرفهــــــــــــن
والشروگي بلسم يداوي جــــــروح
اذا اخيه متعور يطيبهـــــــــــــــن
عراقيه و تتبارك بحضـرة الحسين
وليش بيا شريعـــه تريد تذبحـــهن
اخوك عثمــــــان يوم اجد من يوم
شيعي جان الما رضه يغرگـهـــــن
نسوان طلع من بطن روجـــــــات
صفت الروجات للغرگان بالعهـــــن
غرك بالماي اديناته مجتوفــــــــات
بس الباري مثل الطير شرعهـــــن
ابن الفلـــــوجه يذكر الجبايش دوم
عثمان يتلاگه شـــــفافه بايســـــهن
المـــــحتل مو عالنفط طمــــــــاع
طـــــمع بدمنه باخوتنه وفرقــــهن
اريد منكـــــم الوحده بس اليـــــوم
جـــــني هذا اليوم هوه خاتمـــــهن
جـــــني هذا اليوم هوه خاتمـــــهن
بقلمي المتواضع
؟؟؟؟ الهاشمي | |
|
