ابوذيات خنفشارية للحبيب

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه

بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه

بنص گلبي لگعد حُبك وبيته
وبمرض فرگاك گَلبي وبيته
گلبي يعتبرك موطنه وناسه وبيته
والي يظل بلا وطن كل عمره أذيه

رخه گلبك عليه وراها
وأنه الميت لو ألـﭽـح عيونك وراها
روحك وين ماتروح روحي وراها
حس بيه يكفي صدك عليه

تگلي من حُبي فكيتك وشفاك
أنعليت منك ويمك دواي وشفاك
وصفتي آخذ بوسه من الخدين وشفاك
ومن آخذ الوصفه يشفه كل مرض بيه

مايهمني نبعك الراهي وسنك
ولاتكشرلي بنيابك وسنك
رمح سواك عاذل وسنك
على گلبي ونبتك بيه

الليالي هموم حملني ولحن
وكلبي بس حزن غنى ولحن
اللي احبه ماانكسر قلبه ولاحن
تجي لو ابلي كل الناس بية

يجيني الشوگ لگلبي واردة
يحاول يحچي وية احساسي واردة
ويگلي ارجع لمحبوبك وردة
گتلة محبوبي من خان بيه الزمن رد علية

ثلاثة بالدجى راحن ولاجن
ولاهن من نسل حوى ولا جن
ولا زاغن ولا ولا راغن ولاجن
ولا جاهن من الهاتف ندية

اريد ارگب على روس العوالي
ودور عل المناصبهم عوالي
يذيب البيد جاوبني وعوالي
ترة روحك مثل روحي شجية

نار حُبك بكَلبي جواني
اصعد فوك ودكولي جوة آني
وتريدني أعوفك كوة آني
والله أحبك مو بيدية

جرح الشوك بعدك ولةمني
وسبب لفراك منك ولة مني
بغيابك نضر عيني ولةمني
ووجد حاجتي بطراف اديه

بچيت وزادن جروحي ولاماي
وعلى الماصح إلي وياهم ولاماي
لآهو دم دمع عيني ولامــــاي
ومـــاخذني الهوه من غصبن عليه

أريدك ذرى وسدة فوگ سدة
والباب اللي يجيب الريح سده
اناأعرفك للستر والعفة سدة
أنت أبن الأصول أبن الحمية

حمامات البذاك الصوب يرعن
كلن كلبي وبكن بحشاي يرعن
لاتكرب على المكروب يرعن
ولاتطرد سراب بغير ميه

كلمات جميلة

الله يعطيك

العافية