زهيري نيلز ( ان شالله تعجبكم)

فركاك يا ولدي نيلو وكسه
ومن عكبكم لبست اهدوم الحزن واكسه
يا طارش لقائد سرب اكسه
ترى كبودي عليهم من الحزن وارات
عهدي انكضا مابين العزا ورات
وربك كريم يعود لي هو ورات
بس خوفي عليكم من واوي الغدر ركسه

رد نيلز لابوه

ما كتوبك يا والدي منكم لفاني الان
ومن كثر صب الدمع حتى الحجر لي لان
ليلي تطاول على ليلي وغدا ليلان
وما ندري ركس النذل بيا ساعه يلهمنة
بصبر والدعاء يا والدي الهمنا
وتضل كلوبنا كلما نضل ليلان

مع تحياتي لجميع

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

اتمنا تعجبكم

حلو إسمك وأبوك شلون سماك
حبيبيك لو زعل وياك سماك
صرت سمجه وانته الصرت سماك
لو طحت بشباكك اعطف عليه

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

يلي بعيني طيفك ليل ونهار
غبت يومين عيني صبت انهار
اذا تجافيني اموتن رأساً انهار
واسلم روحي بيدي للمنيه

طالاك

ربي من ذهب وشلون طالاك

وهنياله اليكضك يوم طالاك

احبنك وحبن علي طالاك

اجلب بيك انه وبثنين اديه

منو بگدي يحبك من عشرتك
وتمنة يصير اصبع من عشرتك
وانه شكضيت خايب من عشرتك
و اعد بسنين عشرتنة وهي جروح
وأحس ويه النفس يطلع وهج روح
وأخيراً گتلي ودعني وهج روح؟
أروحن وين ماأگدر هوا انت
وانه الماهان من أجلك هونته
الي بدنياي شي واحد هو انت
وحرت بين ان تركته وان تبعتة
انا الونيت والون ون تبعته
ما باعك حبيبك وانت بعتة
حبيبك باع عمره واشترك بي

حبيبك باع عمره واشترك بي
وحزن گلبة عله حزنك واشترك بي
وبعد شتدوس گلبي واشترك بي
جبل حبه وتگلگل لنتگل بي
ويدنيه شما دفعتي لنتگلبي
واذا تنساه يگلبي لنته گلبي
ولا ريدك بعد وبصدري احملك
وحبيبي شلون ترضى بصد رحم لك
اذا حملك يتعبك بصدري احملك
الي وروحي الأرض وشگد دولها
وتداوي الداء لو بالمخ دوه لها
بس العين ما يحصل دوه لها
دواها العين خلها من تقر بي
وتصب كلما تشوفك منته قربي
ولك شيصير حبك من تقر بي
وتحبني انت يقين بصدري مو شك

وتحبني انت يقين بصدري مو شك
الف شوكة سكوت بصدري مو شك
انذبح گلبي وتشضه بصد رموشك
وعرف محد يدفنه وشي دفن شي
وعگب صدر المواگد شي دفن شي
كفر من رسم غيرك شي دفنشي
وأظن للجنة يدخل من يرسمك
وحبيبك يمسح اسمه من يره اسمك
بسمك حبي جمالك من يه رسمك
وانه الليل بعيونك شفتة كحله

وانه الليل بعيونك شفتة كحله
وشفت شمس الأصيل وشفتك أحله
العسل من ضگته كلك شفتك أحله
اذا ً لو من شفاهك بستك أشفه
اذا انت المات يعدل بس تكشفة
شتظن حبك يضعفك بس تكشفة؟
وعلي تخفي اهتمامك واكتراثك
وانه المن مات گلبي وك تراثك
نسيت الحب الأول؟ وك تراثك
صدگ ينسه تراثه هسه جيلك؟
وتشوف زواج عيني هالسجي لك
وانادي وما تگلي هسه جيلك
صحتلك يا وصارت كبر ياءي
واذا رائيت بالشط كب ريائي

واذا رائيت بالشط كب ريائي
حبيبي شلون تجرح كبريائي
وتذلني گبال كل ناسك وناسي
وبقيت بصحرا شاتلي وناسي
ناس تگول لا تسكت وناسي
لأن كلش مذلتي لاگتلهم
وجبل حبي المقدس لاگه تلهم
گالو حيل ذلك..لا گتلهم
عنايه حتاج گلبه وجاي اعاني
وخفيت شكثر منك جاي أعاني
تمرمرني من ازورك جايع آني؟
شكثر ندمان جي بيتك عتبته
وعرفني الباب من دگتي وعتبتة
عتابي وياك جي حبك عتبتة
گلبي شلون يمهم وك كسرتة
أسير وذل شجالك وك اسرتة
گبل جانت اسرتك وك اسرتة
اسرتك هسه سمتني الضحية

سلامي لكم يلا منو يكدر يكتب احلى من الزنجيل مالتي

عاشت الايادي والله ابداع