وينك اريدك انته اليوم ما اريد تمثالك

وينك اريدك انته اليوم
ماريد تمثال لهيكلك
اريد لهفة صوتك المشتاك
لاتظل تجاملني واجاملك
كلمة حبي وحبيبي اليوم كلمات
قبل تحجيهه جن مخلوقه الك
متعود حنان المفتقده ايام
عنه اليوم اريد انه اسألك
ماأظنك ردي يصيبك الزنجار
ادري الذهب هو مأصلك
وماأظن غيري يكتبلك الأشعار
وهيج عني ايام شاغلك
خلي افترض غيري ولف حاجاك
كلش وفي حضنه دافي لاك الك
افرض يحبك بكد حبي اضعاف
واوصافه بشر يحركه ملك
بس اضل اكثر منه بشي
للموت اضل احتاجلك
بعدك تهت اتوسل الناس
اتوسلك هاليوم اريد اتوسلك
انته وياي ولاجنك وياي
وانه من ابعد ادز روحي تغازلك
ادري وفي شاهدلة رب الكون
بس كلي شنهو الشاغلك
بقيت انتظر اسمع خبر
وبأي سبب جنت اقتنع
ساكت بقه وانه انتظر
وبلا وعي ينزل دمع
هو سكت انه احس
بكل لحظة اموت وانوجع
ياخذ نفس اتوقع حجه
جن الحجي ماينسمع
وابقه انتظر كل الوكت
دقيقتنه بسنه وماتنجرع
وكت الزفير وهم اجه
وهم الحجي ماينسمع
ياكلبي ترجم ماسمعت
هم ظل امل بيه انجمع
لو حجيه مامنه امل
شجرة صبر راح انزرع
رد الكلب وك ماحجه
انطيه صبر وابقه استمع
عمي الصبر مل الصبر
جرح وملح ماينجمع
اي لك حجه والله حجه
ردني مال الوفا مايندفع
ولو ثمنوا بيك الوفا
اكظي العمر كله بدفع
اشلون اجازيك فكرت
وعلى روحي اريدن ترتفع
كلت اريده هواي يشتاك
واحضنه لحد مايتشبع