ابوذيات حلووووووووة

تغيب الروح بغيابك ورده

كتاب جفاك من عندي ورده

روحي بفرقتك يذبل ورده

ماي انته وترد الروح اليه


وحك ارموشك الحلوه...وعينك

انا بالشده واكفلك...وعينك

لون بيدي لنصبنك...وعينك

ملك تحكم على كل البريه


وحك الي فتح بغداد والشام

وبيدج يلوك النكرش والشام

العاشك مايفيده البوس والش
ام
تفيده النومه والكعده سويه



يهل دنيا كعدنه اشكد ويناس

ومالكينه يفرح الكلب ويناس

بزرك لو يشو فك طحت ويناس

بالشدات عافك بل الثنيه


كثير الهم على كلبي تراكم...

وكصيتو وياي ياحبابي تراكم...

تود العين كل لحظة تراكم..

ولو بالطيف مرتكم علية...


أصد وازعل وادير العين طبعان

لجن لجمات إلك بالقلــب طبعان

حلو بكلشي لكن بيــــــك طبعان

تـشــــك وتــغار بيــــــــها عليه


يروحي ارجوج طول الوكت حزني

ترى فراكه بحديد ورمل حزني

لا اخت احزنت واوصلت حزني

ولاام بحزن وصلت اليه


أبات الليل بالحـــسرات منطر

تضل عيني على البيـبان منطر

شفت خذها عبالي الفجر منطر

قمت صليت من غــصبن عليه


على اهمومي عزف عودك ولحن

وهمي ماكسر كلبك ولاحن

اكصار اجفوفي ولع ولاحن

وعرفتك حامض وشانت عليه


حبيبي اكل فلافل ونته باجه

شوكت تكعد كبالي ونتباجه

ولك بسمار كلبي ونته بجه

وبساميرك عوج ردهن بديه


عليهه اسكب دمع عيني واهلله

واشم ترابهه الطيب واهلله

سلام الله على البصرة واهلهه

اهلهه كرام مابيهم ردية

صديقك لو مشيت وياه يربه

لون شفته سليم الذات يربه

لاتربط صحيحه كرب يربه

ام صحيحه وام جرب يضحن سويه


ترد روحي اليه مرة شفتك

وابد لاتظن حلوة مرة شفتك

بحضن الغير ذايب مرة شفتك

عين بعين ماهميت بيه