ليــــــــــــــــــــــــــــــــــــــــــــــــــــــــش

ليش

ليش رحتوا وعفتوني
ليش
ليش وحدي تخلوني
مو جنتو يمي وجنت أحبكم
ليش هيجي جرحتوني
ليش بسرعة تنسوني
مو آنه أحبكم
والله أحبكم

ليش

مو كلتو اشوية وترجعون؟!
بس رحتو سنين وعفتوني

ليش
ليش بالوعد ربطوني
وغبتو وما إجيتوني
ليش الأحبهم يرحلون
ليش الأعزهم يبتعدون

حتى إنتي

حتى إنتي بغداد عفتينه
رحتي وهم نسيتينه
وين وعدج
مو كلتي اشوية وترجعون
من ماي دجلة تشربون
وبأرضي الحب تزرعون
ليش غابت أيامج
ليش تغربو اولادج
وصرتي أسيرة الأحزان
وصار الماضي بأحلامج

بغداد الحب
بغداد الوفاء
بغداد العزة والشرف
بغداد الحضارة والشغف
بغداد والموصل والنجف
بغداد بنخيلج والسعف

لا ترحلين
ابقي عظيمة
ولا لا ترحلين
كلنه انحبج
لا ترحلين

بغداد يا رمشة العين
يا قلب ينبض بالزين
يا شمعة بلاد الرافدين
انتي بدمنه والروح تبقين
فلا لا ترحلين
ليش الأحبهم يرحلون

لا ترحلون
إذا أكرهكم ترجعون ؟
لا ترحلون
كلولي ليش ترحلون ؟